Homeरमन के गोठ(रमन चो गोठ) : आकाशवाणी ले प्रसारित होतो बिती बिशेष कार्यक्रम(दिनांक 11 सितम्बर 2016, समय-प्रातः 8.00 से 08.20 बजे)

Secondary links

Search

रमन के गोठ(रमन चो गोठ) : आकाशवाणी ले प्रसारित होतो बिती बिशेष कार्यक्रम(दिनांक 11 सितम्बर 2016, समय-प्रातः 8.00 से 08.20 बजे)


पुरूष उद्घोषक
सुनतो लोग मन के जुहार!

  •     आकाशवाणी चो महत्वपूर्ण प्रसारण ‘‘रमन चो गोठ’’ ने आपन जमाय सुनतो लोग मन चो हार्दिक स्वागत करूंसे,
  •     सुनतो सियान-सज्जन, ‘‘रमन चो गोठ’’ चो 13वीं कड़ी ने माननीय मुख्यमंत्री डॉ. रमन सिंह साहेब अमरला सोत। इया हुनाचो स्वागत करूंवा, जुहार डॉक्टर साहेब।

मुख्यमंत्री जी द्वारा हल्बी में

  •     जुहार! जमाय संगी-साथी, सियान- जुवान माय-बहिन मन के जय जुहार।
  •     छत्तीसगढ़ ने गुलाये बाटे गणेश पक्ष चो धुमधाम चलेसे। गणेश भगवान के सुखकर्ता-दुखहर्ता बलुआत।
  •     मैं गणेश भगवान ले बिनती करेंसे के आपन सपाय चो जीवना के हरीक बनाओं, अउर सपाय दुख तकलीफ बाधा के हर लेवो।
  •     तिहार चो उमंग, आमके हरीक चो संगे संग नुवा ताकत बले देउआय।
  •     एचो ले आमचो परम्परा, पुरखा मन चो रीति-रिवाज, संस्कार, नुवा पिढ़ी तक अमरेसे।
  •     ये महिना चो शुरूआत ले बरख भर चो तिहार शुरू होलीसे।
  •     पोरा गेली त तीजा ईली। आमचो तिजहारिन माय-बहिन मन चो ये सबले बड़े तिहार आय। हुन मन बरख भर ले बाट दखते रदे, के केब तीजा अमरेदे, अउर माय घर ले बाबा-भाई नेउक लाय आमरूआत। मैं बिनती करेंसे कि आमचो माय-बहिन मन चो सपाय परिवार चो रक्षा होवो।
  •    तिहार-बार के जीवना ले कसन जोडूआत, एचो नंगत उदाहरण आसे। लोक मान्य बाल गंगाधर तिलक 1893 ने गणेश उत्सव के आजादी चो लड़ई ले जोडुन, हुनचो स्वरूप के सार्वजनिक बनाउंन दिलो। तेब ले गणेश उत्सव सामाजिक संदेश देतोचो माध्यम बनलीसे।
  •     राजनांदगांव जिला चो इंदावनी ग्राम पंचायत चो आमचो तिजहारिन बहिन मन गोटोक नुवा उदाहरण दिलासोत।
  •     ये मन तय (पक्का) करलासोत, कि तेब तक माय घरे नी जातोर आय, जेब तक सपाय घर मन ने शौचालय नी बनुआय। सरपंच सुनीता साहू अउर हुनचो संगवारी मन के बधाई देयेंसें अउर छत्तीसगढ़ चो दादा-दीदी मन के तिहार चो नुवा मतलब खोजतो काजे संदेश देयंेसे।

....................................................................................................................
हल्बी में......

  •     गेलो हप्ताने शिक्षक दिवस खुबे धुम-धाम ले मनाउक होली। अच्छा (नंगत) शिक्षक (गुरजी) आमके पूरा जीवना भर सुरता रहुआय। गुरजी मन चो योगदान लेइचे हुन मन चो सम्मान होयसे। मै चाहेंसे कि आमचो शिक्षक-शिक्षिकाएॅ (गुरजी-मेडम) आपलो जीवना के असन उदाहरण बनाओं, जोनले हुन मन के सिरीप शिक्षक दिवस केइ नई बल्कि हमेशा (दिनाय) सुरता करते रहोत।
  •     परन दिन ईद-उल-जुहा आसे, जोन मुस्लिम भाई-बहिन मन चो पर्व (तिहार) आय। मांतर आमचो येथा सपाय धर्म मन, समुदाय मन चो पर्व -तिहार के मिसुन जुडुन


मनातोर चो आदर्श परम्परा आसे। येचो ले समाज ने समरस्ता अउर सद्भाव बनुंन रहुआय।

  •     विश्वकर्मा जयंती, ओणम असन तिहार मन चो काजे आपन सपाय के बधाई अउर शुभकामना देयेंसे।
  •     येतो महिना चो शुरूआत ने आदि शक्ति देवी चो नौ स्वरूप मन चो आराधना चो पर्व, नवरात्रि पूरा श्रद्वा ले मनाउक जाउआय।
  •     छत्तीसगढ़ ने मातृ शक्ति चो सम्मान चो परम्परा आसे, जोन ले प्रदेश ने मेहरार मन चो मान-सम्मान, हुन मन चो अधिकार मन चो रक्षा अउर सशक्तीकरण के बल मिरूआय।
  •    मै चाहेंसे कि तिहार मन चो आमी, आज चो बेरा चो चुनौति मन अउर असन काम मन ले जोडुवां, जेन आमी सपाय चो जीवना के सरल बनाउक लाय सहायक होव। तिहार मन चो मौका ने मानव सेवा अउर दरकार बिता मन चो कल्याण चो काम करूं। मोचो अपील आसे कि तिहार मन ने आपलो समाज ने सपाय चो विकास अउर विभिन्न तबका (सपाय लोग मन) चो सुरक्षा काजे काय-काय नुवा संकल्प धरला, येचो जानकारी बले मोके पठाउंन दिया।
  •     मोके ये बलते हरीक होयसे कि आमचो राज्य ने सुधार मन चो काजे बड़े तेजी ले जागृति येयसें, जेचो खुबे उदाहरण दकतो के मिरेसे।
  •    कबीरधाम जिला चो लोहारा विकासखण्ड चो पीला मन आपलो माय-बाप पके चिठ्ठी लिखुन हुन मन के आपलो घर ने शौचालय बनातो काजे तैयार करला। पीला मन चो ये मनुहार इतरो मीठ अउर मोहक रली कि माननीय प्रधानमंत्री श्री नरेन्द्र मोदी तक ले ये मन चो तारीप ‘मन की बात’ ने करला।
  •     दुर्ग जिला चो महिला स्व- सहायता समूह अउर गीता स्व-सहायता समूह ने तो स्वच्छता के रोजगार ले जोडुन दिला। ये समूह मन 100-100 घर मन ने शौचालय निर्माण चो ठेका धरला अउर बेरा ने काम पूरा करूंन दिखाला। ये चो काजे मै भारती चन्द्राकर अउर गीता सोनी के बधाई देयंेसे।
  •     राजनांदगांव जिला चो बाजार अतरिया ने मिडिल स्कूल चो पीला मन गोटोक-गोटोक रूपया चो चंदा (रूंडाला) करला अउर स्कूल ने हाथ धोतो काजे साबुन, नेल कटर, कंघी, दर्पण घेंनला। ये काम दखलो ने नानी जरूर आसे मांतर येचो ले पीला मन ने सफाई अउर येचो काजे साधन जुटातोर (जमा करतोर) चो आदत पड़तोर बड़े गोठ आय।

महिला उद्घोषक

  •     मुख्यमंत्री साहेब, आपन सपाय चो सुरक्षा चो जिकिर (गोठ) सांगला। जनता चो सुरक्षा चो खुबे सामाजिक, आर्थिक, प्रशासनिक पहलू रहुआय। काइ विषय आसे, जेमे पुलिस अउर कानून तो आमचो मदद करेंसे, मांतर नागरिक मन के बले जागरूक रहतो चो जरूरत आसे। जसन कि मानव तस्करी चो चर्चा होते रहेसे?

मुख्यमंत्री जी का जवाब

  •    ये बड़े विडम्बना आसे कि गोटोक बाटे आमी 21वीं शताब्दी चो वैज्ञानिक विकास चो गोठ करूसे अउर दूसर बाटे मानव तस्करी चो चर्चा होयसे। ये गोटोक वैश्विक समस्या आसे कि अच्छा रोजी-रोटी चो काजे बाहर जातो लोग मन के कोनी जगा अपराधी मन बाटले करतो बिती शोषण चो शिकार होउक पडे़से।

 

  •     गोटोक बेरा रली, जेब आमचो जशपुर, रायगढ़, सरगुजा चो सीमावर्ती क्षेत्र मन ने असन गोठ मन जुगे सुनुक पड़ते रली। मांतर येबे उसन स्थिति नी आय। खुबे सुधार होलीसे।
  •    ‘ह्यूमन ट्रैफिकिंन चो घटना मन के रोकतो काजे, देश ने सबले अच्छा काम करतो काजे पुलिस अधीक्षक डॉ. संजीव शुक्ला के गोटोक राष्ट्रीय पुरस्कार मिरलीसे। हुन मन जशपुर अउर रायगढ़ जिला ने पुलिस अउर समाज चो सहयोग ले इतरो अच्छा प्रणाली विकसित करूंन दिला कि हुता गांव-गांव ने पंचायत पदाधिकारी अउर सरकारी अमला सक्रिय होउन गेलासोत। येचो ले ये जिला मन ने होतो बिती घटना मन ने अंकुश लागलीसे। हुताय प्रदेश चो दूसर जिला मन ने बले ये दिशा ने अच्छा प्रयासमन चो प्रेरणा मिरली।
  •     येबे हाल ने बालोद जिला प्रशासन अउर विशेषकर पुलिस अधीक्षक श्री आरिफ हुसैन चो प्रयास ले उत्तर प्रदेश ने संकट ने फसुन रलो 32 बेटी मन के वापस आपलो घरे लानतो ने सफलता मिरलीसे।
  •     पद्मश्री शमशाद बेगम ये बेटी मन के साहसिक प्रशिक्षण देउंन हुन मन चो आत्मबिश्वास बढ़ालिसे। जसन कि आपन जानसास कि शमशाद बेगम आपलो स्व-सहायता समूह चो मेहरार मन के गांव चो सुरक्षा अउर सामाजिक कुरीती मन ले लड़तों काजे कमांडो असन तैयार करेसे
  •     जिला प्रशासन ये बेटी मन के रोजगार परख प्रशिक्षण अउर ऋण (लागा) दिलातो चो व्यवस्था करलीसे। प्रधानमंत्री मुद्रा योजना चो तहत ये बेटी मन के बैंक ले ऋण (लागा)  दिलालासोत। जेमे कि ये मन आपलो रोजगार स्थापित करूक (जमाउक) सकोत।
  •     मै सपाय जिला मन ने प्रशासन के ये निर्देश दिलेसे कि जोन परिवार अच्छा कमाई चो काजे दूसर प्रदेश मन ने जाउआत, हुन मन चो संबंध ने पूरा जानकारी, संबंधित (हुताचो) पंचायत ने उपलब्ध रतोर आय। बेरा-बेरा ने हुन मन चो सुरक्षा चो समीक्षा होतोर आय। गांव ने यदि संदिग्ध (नुवा मनुक) मनुक दखा दिलो ने तुरते पुलिस के येचो जानकारी देतोर आय। हर किसिम चो सतर्कता करतोर आय ताकि कोनी बले मनुक,     ‘मनुक तस्कर मन’ चो चंगुल ने नी फंसो।
  •    आमी येचो काजे गोटोक बड़े निर्णय निलूंसे। राज्य सरकार बाटले दिल्ली ने आवासीय आयुक्त चो मातहत गोटोक प्रकोष्ठ स्थापित करतो चो निर्णय निलंूसे, ताकि आसपास चो राज्य मन ने जाउंन यदि कोनी शोषण चो शिकार होते रले, तो हुनचो जानकारी तुरत ले तुरत मिरो अउर हुन के छड़ाउक जा सकोत।
  •    ये प्रकोष्ठ चो माध्यम ले नियोक्ता अउर श्रमिक (बूता करतो बिता मन) चो मंझारे अच्छा संबंध बनातो काजे पूरा कदम बले उठातोर होयदे।
  •     बेरा-बेरा ने असन आयोजन करूक होयदे, जेन ले श्रमिक मन (बूता करतो बिता मन) के आपलो अधिकार मन चो जानकारी मिरो अउर श्रमिक मन (बूता करतो बिता मन) चो स्थिति चो समीक्षा बले होते रहो।
  •     छत्तीसगढ़ ले दूसर राज्य ने बूता करूक गेलो लोग मन के बीमारी या कोनी दूसर परेशानी चो स्थिति ने तुरते मदद देतो काजे अउर दूसर कल्याणकारी कार्य बले ये प्रकोष्ठ चो माध्यम ले करूक होयदे।
  •   आमके जागरूकता बढ़ातोर आय। जनता अउर प्रशासन चो मंजारे समन्वय ले ये पक्का करतोर आय कि कोनी बले प्रकार मनुक तस्करी चो घटना प्रदेश चो कोनी बले जिला ने नी होव।


पुरूष उद्घोषक

  •     डॉक्टर साहेब, चिटफंड कम्पनी मन चो बाटले आमचो भला-भला लोग मन के ठगतो चो बारे ने बले खबर मिरते रहु आय। लोग खुबे बियाज चो लालच ने असन कम्पनी मन चो एजेंट चो चंगुल ने फंसुन जा सोत अउर पाटकुति ने हुन मन बियाज काय आपलो मूलधन चो काजे बले तरसुआत, कायकि असन कम्पनी मन दुइ- चार महिना पाटकूति सपाय जमा रकम भरूंन चंपत होउन जाउआय अउर कोनीठान मिरू नुआय।

मुख्यमंत्री जी का जवाब

  •     सत ने ये खुबे दुःख चो स्थिति होउआय, कि मनुक गोटोक-गोटोक रूपया जोडून आपलो जमा पूंजी तैयार करूआय। खुबे बियाज चो लालच ने हुन असन चिटफंड कम्पनी मन चो जाल ने फंसुन जाउआय।
  •     मैं सुनतो लोग मन ले ये अपील करूक चाहेंसे कि आपलो जमा पूंजी सुरक्षित बैंक नेइ संगावा। बिन जॉच- पड़ताल करे कोनी बले संस्था ने पैसा जमा नी करा।
  •     आप मन के ये जानुन हरीक होयदे कि छत्तीसगढ़ ने आमी गोटोक कडा कानून बनालंुसे, जोन चिटफंड कम्पनी मन चो गोरख धंधा मन ले राहत दिलाउआय। ये कानून चो तहत आमी प्रावधान करलंूसे कि कोनी बले संस्था के जनता ले पैसा जमा करतोचो पूरे जिला कलेक्टर ले अनुमति धरूक होयदे।
  •    आमचो जुवान साथी रोजगार चो अवसर के दखुन ये चिटफंड कम्पनी मन ले जुडुन जासोत। मैं हुन मन के आगाह (ताकीद) करेंसे कि येचो ले बाचोत। काय काजे कि चिटफंड कम्पनी मन चो कोनी जिम्मेदार मनुक पूरे नी रहोत अउर हुन मन स्थानीय (गांव-शहर चो) जुवान मन चो चेहरा पूरे राखुन काम करूआत। कम्पनी तो जनता चो पैसा धरून चंपत होउन जाउआय, मांतर आमचो भोला-भाला स्थानीय (गांव-शहर चो)

जुवान मन फंसुन जासोत अउर ठगलो बिती जनता चो आक्रोश चो शिकार होउआत।

  •    मैं ग्रामीण अंचल ने पदस्थ सरकारी अमला मन ले अपील करेंसे कि हुन मन चिटफंड कम्पनी मन चो गोरख धंधा ले सतर्क रहो अउर जनता के बले बचावो। कोटवार, पटवारी, नायब तहसीलदार, पंचायत, महिला बाल विकास विभाग, बैंक आदि चो अधिकारी-कर्मचारी, डॉक्टर, शिक्षक-शिक्षिकाएॅ सपाय जनता के असन संस्था मन चो खिलाफ जागरूक करो अउर जनता चो लहू-पसना चो कमाई चो सुरक्षा ने योगदान करा।


पुरूष उद्घोषक

  •    मुख्यमंत्री साहेब, आपन अंबिकापुर ने मेडिकल कॉलेज खोलतो चो वायदा बले पूरा करूंन दिला। राज्य चो उत्तरी क्षेत्र ने खोललो ये नुवा मेडिकल कॉलेज चो काय औचित्य आय?

मुख्यमंत्री जी का जवाब

  •     सरगुजा छत्तीसगढ़ चो नक्शा ने मुंडी अउर माथा असन आसे।
  •     मोके हरीक आसे कि आमचो प्रदेश चो चारों दिशा मन ने मेडिकल कॉलेज खोलतो चो जोन संकल्प धरूंन रले, हुन संकल्प सरगुजा ने मेडिकल कॉलेज खोलतो चो संग पूरा होउन गेली।
  •     आमी जगदलपुर, राजनांदगांव, रायगढ़ चो पाटकूति सरगुजा ने मेडिकल कॉलेज खोलुन चारों दिशा मन ने, चारों कोना मन ने चिकित्सा शिक्षा चो किला बनाउन दिलुंसे, जोन प्रदेशवासी मन के स्वास्थ्य सुरक्षा प्रदान करेदे।
  •    मैं सांगुक चाहेंसे कि सरगुजा ने मेडिकल कॉलेज खोलतो काजे आमी जुगे दिन ले परयास करते रलंुसे, मांतर सफलता नी मिलते रली। केन्द्र ने माननीय मोदी जी चो सरकार बनतो चो पाटकूति जसन चो सहयोग मिरली,


हुन चो कारण आमी ये मेडिकल कॉलेज येबे शुरू करूक सकलंुसे। येचो काजे मैं माननीय मोदी जी अउर केन्द्रीय स्वास्थ्य परिवार कल्याण मंत्री श्री जे.पी नड्डा जी के धन्यवाद देयेंसे।

  •     मेडिकल कॉलेज चो मतलब सिरिप गोटोक शिक्षा संस्थाने नी होय, बल्कि येचो संग पूरा सुविधा युक्त खुबे बड़े अस्पताल बले जुडुआय, येचो संग स्थानीय परिस्थिति चो अनुरूप शोध अउर अनुसंधान चो केन्द्र चो विकास होउआय।
  •     सरगुजा चो मेडिकल कॉलेज सिरिप ये संभाग चो 5 जिला मन चो काजे नइ बल्कि सीमावर्ती मध्यप्रदेश, उत्तर प्रदेश अउर झारखण्ड तक चो काजे आशा चो केन्द्र बनुआय।
  •    फिलहाल सैनिक स्कूल परिसर ने ये मेडिकल कॉलेज खोललुंसे, मांतर आमी गंगापुर ने 40 एकड़ भूमि देउंन दिलुंसे जे ठाने 400 करोड़ रूपया चो लागत ले खुबे बडे़ भवन अउर परिसर चो निर्माण करतोर होयदे।
  •     मोके ये सांगते हरीक होयसे कि बस्तर चो सीमावर्ती जिला मन बीजापुर, सुकमा अउर दंतेवाड़ा ने बले स्वास्थ्य सुविधा मन तेजी ले बाढुन जायसे अउर ये में जिला प्रशासन चो बड़े योगदान आसे।
  •     बीजापुर ने सर्व सुविधा युक्त अस्पताल बनतो चो पाटकूति, येबे हुता बड़े ऑपरेशन बले होयेसे। जिला कलेक्टर डॉ. अय्याज तम्बोली व्यक्तिगत (खुदले) पहल करूंन भाति व्हाटस एप ले सूचना देउंन डॉक्टर मन के बीजापुर अस्पताल ने काम करतो काजे आमंत्रित करला (हाग दिला), जेचो अच्छा असर होलीसे अउर हुनाके हुता काम करतो काजे डॉक्टर मिरूक लागलासोत।
  •     येचो अलावा बीजापुर, सुकमा अउर दंतेवाड़ा जिला प्रशासन मिसुन ‘लाइफ-लाइन एक्सप्रेस’ के हागदेउक सुनिश्चित करलासोत।

 

  •     ये तीनों जिला मन चो काजे ये पहिल मौका आसे, जेब ‘लाइफ-लाइन एक्सप्रेस’ ने येथा चो मरीज मन चो ऑपरेशन होयदे। ये गोटोक सर्व सुविधा युक्त ट्रेन (रेल) होउआय, जेन ने ऑपरेशन थियेटर, वार्ड आदि चो सुविधा बले रहुआय। ट्रेन (रेल) दंतेवाड़ा ने रहुआय, जेथा ले मरीज मन के आनतो नेउंन जातो काजे पूरा व्यवस्था जिला प्रशासन बाटले होउआय।

महिला उद्घोषक

  •     मुख्यमंत्री साहेब, दूइ महिना पहिलचे आपन मन आमके ‘प्रधानमंत्री उज्जवला योजना’ चो बारे ने सांगुन रला। काय येचो क्रियान्वयन शुरू होउंन गेली? अउर येचो ले गरीब मेहरार मन के काय फायदा मिरूआय?

मुख्यमंत्री जी का जवाब

  •     आमी ‘प्रधानमंत्री उज्जवला योजना’ उपरे अमल शुरू करूंन दिलुंसे। हर जिला चो काजे लक्ष्य निर्धारित करूंन दिलुंसे, कि दूइ बरख ने कसन परकार ले चिना करलो बिती सपाय 25 लाख परिवार मन चो रसोई के धुआ ले मुक्त करूंन देउजावो।
  •    ‘ उज्जवला योजना’ चो तहत सिरिप 200 रू. चो रजिस्ट्रेशन राशि ने निःशुल्क गैस कनेक्शन, 02 बर्नर बिती चूल्हा, पहला भरलो बिती गैस सिलेण्डर अउर बीमा सुरक्षा चो कवच जसन सुविधा मन देतो चो मामला ने बले आमी देश चो पहिल राज्य बनलूंसे।
  •     मैं अपील करेसे कि माय-बहिन मन अउर हुन मन चो परिवार चो सदस्य सपाय लोग रसोई गैस चो सुरक्षित उपयोग करूक सीखो। हुन मन गैस सिलेण्डर चो रेगुलेटर चो कार्यप्रणाली के समझो। गैस चूल्हा के चालू-बंद कसन करूआत येके सीखो। गैस सिलेण्डर खुला रलो ने येतो बिती गंध के तुरते पहचानो। सिलेण्डर खड़ा राखतोर आय। सिलेण्डर के चूल्हा ले जोड़तो बिती प्लास्टिक चो पाइप चो सुरक्षा के समझतोर आय।

 

  •    यदि गैस सिलेण्डर खुला छूटून गेलीसे अउर हुन चो कारण रसोई घर ने गैस भरूंन गेलीसे, तो हुता ओलुन न तो बिजली चो स्विच चालू करा, न लाइटर या माचिस चो उपयोग करा। होनी बले असन काम नी करा, जेन ले कि आइग लगुंन (धरूंन) जाय।
  •     गैस सिलेण्डर चो संग एजेंसी चो टोल फ्री नम्बर दिया जायसे हुन के घर ने 2-3 जगा (ठान) लिखून राखा, ताकि केबे बले आशंका होलोने टोल फ्री नम्बर ने फोन करा। येमे कोनि संकोच नी करा।


पुरूष उद्घोषक

  •  डॉक्टर साहेब, आपन येदाय फेर प्रदेश चो महाविद्यालय मन अउर विश्वविद्यालय मन ने छात्रसंघ चुनाव कराउंन आपलो वायदा के पूरा करलासोत। येमन जुवान छात्र नेता मन ले आपन चो काय अपेक्षा मन आसे?

मुख्यमंत्री जी का जवाब

  •   मेचो मानना आसे कि छात्र जीवना ले राजनीति चो समझ विकसित होतोर आय। नुवा लहु, नुवा जोश, नुवा संकल्प, नुवा ऊर्जा के सकारात्मक दिशा ने आगे बढ़ातो काजे अउर लोक तंत्र चो जड़ मन के मजबूत करतो ने छात्र संघ चुनाव मदद करूआय। छात्र जीवना चो दौरान लोग मन चो अपेक्षा मन के समझतोर, समस्या मन चो निराकरण करतोर अउर गोटोक लीडर (नेता) चो रूप ने व्यक्तित्व चो निर्माण करतोर खुबे जरूरी आसे।
  •   मैं चाहेंसे कि नव निर्वाचित (नुवा जीतलो) छात्रसंघ पदाधिकारी जुवान मन चो आवाज बनो। हुन मन चो समस्या मन के फोरम ने राखो। सकारात्मक रूख बनाउंन राखो ताकि हुन मन आपलो पढ़ाई बले अच्छा ले पूरा कर सको। नेतृत्व कौशल चो बिकास चो संग उच्च शिक्षा चो आयाम मन ने खरा उतरतोर बले गोटोक चुनौती आसे। मै सपाय निर्वाचित छात्र संघ पदाधिकारी मन के बधाई अउर शुभकामना देयेंसे।

महिला उद्घोषक द्वारा

  •     सुनतो लोग मन ! आप मन चो प्रतिक्रिया मन आमके आपन चो चिट्ठी, सोशल मिडिया-फेसबुक, ट्विटर चो संग एस.एम.एस. ले बले जुगे संख्या ने मिरेसे। येचो काजे आपन सपाय के खुबे-खुबे धन्यवाद।
  •    आगे बले आपन आपलो मोबाईल चो मेसेज बॉक्स ने त्ज्ञळ चो पाटकूती स्पेस नेउंन आपलो बिचार लिखुंन 7668-500-500 नम्बर ले पठाते रहा अउर संदेश चो आखरी ने आपलो नाव अउर पता लिखुंक नी भुलका।
  •     मुख्यमंत्री साहेब, आमचो सुनतो लोग मन ले जसन प्रतिक्रिया मन मिरेसे हुन जमाय चाहसोत कि आपन हुन चो उपरे काइ सांगा?

मुख्यमंत्री जी द्वारा

  •     फेसबुक ने महेन्द्र साहू शिक्षा चो गुणवत्ता बढ़ातो काजे, श्री तालाम राठिया हेलमेट चो जॉच सहीं ढंग ले करवातो काजे, श्री राधेश्याम शर्मा युवा नीति (जुवान नीति) बनातो काजे सुझाव दिलासोत ।
  •     श्री चुन्नीलाल प्रधान, सुनील वर्मा, बृजेश योगी, दीनदयाल मौर्या, राज अहूजा, सुरेश चन्द्राकर आदि कार्यक्रम के ज्ञानवर्धक अउर उपयोगी सांगला सोत।
  •     एस.एम.एस चो माध्यम ले कोरबा ले श्री अतुल अग्रवाल जीवन दीप समिति मन चो पुनर्गठन काजे अउर धमतरी ले श्री शेखर सिंहा पुलिस कर्मी मन चो बारे ने चिंता करतोर चो सुझाव दिला।
  •     खुबे संख्या ने सुझाव मिरेसे, सपाय के धन्यवाद। आमी आपन मन चो सुझाव मन के समुचित (पूरा) उपयोग करूंदे।
  •    धन्यवाद, जय जोहार, जय हिन्द, जय छत्तीसगढ़।

पुरूष उद्घोषक द्वारा

  •     सुनतो लोग मन, येदाय बारी आसे क्विज चो।

चौथा ‘क्विज’ चो प्रश्न रली-
भूमकाल चो नायक कके बलुआत?
एचो सही जवाब आय-
B    गुण्डाधूर

  •     सबले झटके जेन 5 सुनतो लोग मन सही जवाब पठाला, हुन मन चो नाव आसे-

01.    विश्वानंद चन्द्रा, रायपुर
02.    करन साहू, पोंड़ीपाली, जिला कोरबा
03.    अरमान रात्रे, बकतरा
04.    नम्रता साहू, कवर्धा
05.    गिरीश गुप्ता, अम्बिकापुर

महिला उद्घोषक द्वारा

  •     अउर येबे बेरा आसे आजी चो अर्थात् पंचत क्विज चो

सवाल आसे- उज्जवला योजना चो तहत काय दिया जायसे?
सही जवाब- A सोलर लैम्प  B रसोई गैस

  •    आपलो जवाब देतो काजे आपलो मोबाईल चो मेसेस बाक्स     

ने फ। लिखा आरू स्पेस देउंन । नाहले ठ जो बले आपन के सही लगेसे, हुन गोटोक अक्षर लिखुंन भाति 7668-500-500 नम्बर ले पठाउंन दिया। संगने आपलो नाव अउर पता जरूर लिखा।

  •    आपन सपाय ‘रमन चो गोठ’ सुनते रहा अउर आपलो प्रतिक्रिया ले आमके अवगत कराते रहा। अउर येचो संगे आज चो अंक आमी येताय समाप्त करूंसे, आगे चो अंक ने 9 अक्टुबर के आपन मन संगे होयंदे फेर भेंटघाट। तेबे तक काजे दिया आमके इजाजत। जुहार।





 

Date: 
11 September 2016 - 8pm